bidasoamedia bidasoamedia

Irungo Udalak ez du ortzadarraren ikurra udaletxeko balkoian jarriko

LGTBI edo Gay, Lesbiana, Transexual eta Bisexualen Eskubideen Aldeko Nazioarteko Eguna da ekainaren 28a. Hori dela eta, erakunde publiko gehientsuen eraikinetan ortzadarraren bandera zintzilikatzen dute. Irunen, Alberto Buen Lacambra alkate sozialista izan zen bere garaian, bandera horrekin bat egiten aitzindarietako bat. Baina azken urteetan eztabaida piztu du banderaren ezartzeak.

Libre geratu da Tomas Elgorriaga

Espetxetik kanpo da jada Tomas Elgorriaga hondarribiarra. Fleury-Merogis espetxetik irten da ekainaren 26an. Familia beldur zen Espainiako Estatura entregatu zezaketelako, baina ez da halakorik gertatu, Parisen utzi dute libre.

Segundo bakarrean egon dira Hondarribia eta Urdaibai, ligaren atarian

Pasai Donibanek hartu zuen, asteburuan, TKE Ligaren atariko azken proba. Hondarribiak lortu zuen garaipena, baina segundo bakarrera gelditu zen Urdaibai, eta hirura Orio. 19:44.92ko denbora egin zuen Ama Guadalupekoak, erlojuaren kontrako lanean.

Gomez eta Behobide izan dira onenak San Martzialera igoeran

XLI edizioa izan zuen larunbatean Super Amara BATek antolatzen duen San Martzialera igoerak. Goizez izan zen, lehen aldiz, eta arrakasta eduki zuen proposamenak, iaz baino 30 parte hartzaile gehiago izan baitziren (145, guztira).

Gipuzkoako turismo bulegoan presente egongo da Bidasoa eskualdea

Donostian kokatuta dagoen Explore San Sebastian Region turismo bulegoan protagonista izango da Bidasoa eskualdea, ekainaren 23tik aurrera. Gipuzkoako Foru Aldundiak diruz laguntzen duen Eskualdeen Txokoa ekimenaren baitan kokatuta dago ekintza. Hala, donostiarrek eta hirian direnek eskualderen baliabide turistikoen berri izango dute astebetez.

Sobigel Hendaiako enpresak beste herrialde batera eraman du aktibitatea

Hendaiako Intzura industriagunean 1966.urtetik kokatua egon da SOBIGEL enpresa. Itsas belarren sektorean aritu da orain arte. Gaur egun 14 langile zituen. Enpresa zuzendaritzak, itsas belar gorriaren prezioaren igoera baten aitzakiarekin, aktibitate ekonomikoa beste herrialde batera eramango du.

Festa giroan dira jada Irunen

Ekainaren 23tik uztailaren 1era bitarte, San Pedro eta San Martzial jaiak ospatuko dituzte Irunen. San Juan bezperako suak emango die hasiera jaiei. 20:45ean hasiko da suaren aurreko ohiko soka-dantza, Kemen Dantza taldearen eskutik. Ondoren, 21:30ean, Mateo Bergara showmanak jaietako agurra egingo du udaletxeko balkoian. Handik ordu laurdenera, Irungo alkate Jose Antonio Santanok sua piztuko du San Juan plazan, 2017ko sanmartzialei harrera ofiziala egiteko.

Alarde parekideari harrera egiteko eskatu dio EH Bilduk Irungo Udalari

Alarde parekidearekin Irungo Udalak azken urteetan izan duen jarrera salatu du EH Bilduk. Gainera, eskaera zuzena egin diote Jose Antonio Santano alkateari, ekainaren 30ean Alarde Publikoari harrera egin diezaion.

Adarra saria jasoko du Fermin Muguruzak

Donostia Kulturak ematen duen Adarra Saria jasoko du Fermin Muguruza irundarrak ekainaren 21ean. Victoria Eugenian izango da sari emate ekitaldia, baina hori baino gehiago, festa handi bat antolatu du Fermin Muguruzak, 20:00etatik aurrera. Adarra saria jasotzearekin, Benito Lertxundiren, Ruper Ordorikaren, edo Mikel Laboaren oinordeko izango da Fermin Muguruza.

Zenbait neurri hartu ditu udalak, sanmartzialak iraunkorragoak izan daitezen

Kanpaina abiatu dute Irungo Udalak eta Txingudiko Zerbitzuak entitate publikoak, 2017ko sanmartzialak iraunkorragoak izan daitezen. Besteak beste, 14.400 edalontzi berrerabilgarri banatuko dituzte, Ondo pasa. Festa garbi bat opa dizuegu leloarekin.