bidasoamedia bidasoamedia

Article object

Otsailaren 17an, ostiralean geratuko da aske Jean Pierre Harokarene, zigor osoa beteta. Faisan auziagatik espetxean dagoen azken presoa da. Hala ere, Espainiako poliziak Biriatun utziko du, Frantziako poliziaren esku. Hamar urtez Espainiako Estatuan sartzeko debeku eskaria egin du Espainiako poliziak. Eskari hori aztertu egingo dute, martxoaren 3an.

Article object

Udaleko gizarte klausulen gaineko araudia osatu du udal gobernuak, eta hamabost eguneko epea eman die oposizioko taldeei berau aztertzeko. Irun Ahal Dugu eta EH Bildu talde politikoek kritika zorrotzak egin dizkiote jasotako zirriborroari.

Article object

2015eko udal hauteskundeetarako aurkeztutako lehendabiziko bi zerrendaburuen ordezkatu ditu Irungo EH Bildu talde politikoak. Oinatz Mitxelena bozeramailea, eta hauteskundetako zerrendan bigarren tokian zegoen Izaskun Sorondok haien postuak utzi dituzte.

Article object

PSE-EEk eta EAJk osatzen duten Irungo gobernu taldeak 2017ko udal aurrekontuaren zirriborroa prestatu du. 72,16 milioi eurokoa da, iazkoa baino %3,41 handiagoa. Gainerako talde politikoek dagoeneko jaso dute proposamena, eta orain zuzenketak aurkezteko garaia dute. Abenduaren 16an amaituko da epea.

Article object

18.900.000 euroko aurrekontua du Hondarribiko Udalak 2016rako. Diru kopuru hori zertan erabiliko duen azaldu du udal gobernuak. Baina lehenago, 2016-2019 eperako osatu duen Agintaldi Planaren berri eman du. 6 ardatz ditu, 30 helburu eta 78 proiektu zehatz. Epe luzerako helburu estrategikoak zehazteko modua izateaz gainera, kontrolerako tresna ere izango dela iragarri du Txomin Sagarzazu Hondarribiko alkateak. Urtetik urtera berrikusiko dutela baieztatu du.

Article object

2016ko Irungo Udal Aurrekontuak onartu dituzte urtarrilaren 27an, abendurako aurreikusita zegoen plenoa bertan behera gelditu ondoren. PSE, EAJ-PNV eta PP alderdietako kideek aurrekontuen aldeko 17 bozka eman dituzte. 8 izan dira kontrakoak, Si Se Puede Irun Ahal Dugu eta EH Bildurenak, hain zuzen ere. 69,7 milioi euroko aurrekontuak proposatu ditu udal gobernu taldeak, 75,4 milioi euro udalak kudeatzen dituen erakundeak kontuan hartuta. Onartutako emendakinekin beste 600.000 euro gaineratu behar zaizkio kopuruari.

Article object

Gipuzkoako Foru Aldundiak legealdi honetarako bizikidetza arloan dituen asmoak azaldu dizkie Markel Olano ahaldun nagusiak Julen Mendoza Errenteriako alkateari eta Jose Antonio Santano Irungo alkateari. Urtarrilaren 25ean izan da bilera, Donostian. Haren helburua bakea, bizikidetza eta giza eskubideen arloko udal politika sustatzea izan dela adierazi du Gipuzkoako Foru Aldundiak. “Udaletxeak dira herritarrekin konektatzeko espaziorik egokienak, gertuen dituzten instituzioak direlako”, adierazi du Markel Olano ahaldun nagusiak.

Article object

Auzoetako bileren errondari ekingo dio Jose Antonio Santano Irungo alkateak otsailaren amaieran. Auzotarrei euren arazoen eta beharren berri emateko aukera ematea da bileren helburua. Lehenengo bilera Larreaundin izango da, otsailaren 25ean, Santa Elena ikastetxean (19:00). Han egin zuten ekimeneko lehen bilera, 2011n. Orduz geroztik, 17 saio egin ditu Santanok auzoetan, eta 1.000 hiritar inguru hurbildu dira bileretara.

Article object

Espedienteak kontsultatzeko sarbide digitala hautetsien esku jarri du Irungo Udal Gobernuak. Azaldu du, hemendik aurrera, onartzeko prest dauden espedienteak aplikazio informatiko baten bidez kontsultatu ahal izango dituztela hautetsiek. Espediente osoak ezin izango dira onartu aurretik kontsultatu, baina aukera egongo da oinarrizko informazioaren berri izateko, espedienteak tramitatzen ari diren bitartean. Udal gobernuak adierazi du ezin izan duela zerbitzua lehenago eskaini, . “egokitzapen teknikoak” egiten ari zelako.

Article object

Udal Aurrekonturik gabe ekin dio Irungo Udalak 2016 urteko jardunari. Abenduaren amaieran egin beharreko aurrekontuen osoko bilkura urtarrilera atzeratzea erabaki zuen udal gobernuak azken momentuan. Erabaki horren berri emateko ohar bat bidali zuen Miguel Angel Paez Ogasuna arloko ordezkariak. Oposizioko taldeek zuzenketak aurkezteko «denbora gehiago» behar zutela argudiatu zuen orduan Paezek.